Барак Абама наважыў вярнуцца ў палітыку
4- 19.10.2017, 19:23
- 10,582
Экс-прэзідэнт CША збіраецца ўзяць удзел у мітынгах, і падтрымаць дэмакратаў.
Былы прэзідэнт ЗША Барак Абама вяртаецца ў палітыку і мае намер узяць удзел у мітынгах у ходзе выбарчай кампаніі ў Нью-Джэрсі і Вірджыніі, дзе ідзе падрыхтоўка да выбараў губернатара, паведамляе РБК.
Паведамляецца, што Абама наведае Нью-Джэрсі і Вірджынію, каб падтрымаць кандыдатаў ад Дэмакратычнай партыі. Адзначым, выбары губернатара ў гэтых штатах пройдуць 7 лістапада і стануць паказчыкам настрояў выбарцаў перад прамежкавымі выбарамі ў 2018 годзе.
Таксама паведамляецца, што пакуль не ясна, пра што будзе казаць Абама, які пасля таго, як пакінуў пасаду прэзідэнта 20 студзеня, быў у значнай меры адарваны ад палітычных дэбатаў. За гэтым час Дональд Трамп метадычна знішчаў палітыку адміністрацыі папярэдніка. Чакаецца, што Абама можа выступіць з рэзкай крытыкай Трампа.