У Слоніме адновяць сінагогу 17-га стагоддзя

Грошы выдзеліць міжнародны фонд.

Міжнародны фонд прафінансуе рэстаўрацыю сінагогі XVII стагоддзя ў Слоніме. Пра гэта стала вядома падчас візіту замежнай дэлегацыі, паведамілі БелТА ў Слонімскім райвыканкаме.

Пытанні выканання рэстаўрацыйных работ з кіраўніцтвам райвыканкама абмеркавалі выканаўчы дырэктар фонду габрэйскай спадчыны Майкл Мэйл, чалец брытанскага каралеўскага таварыства мастацтваў і дырэктар міжнароднай дабрачыннай арганізацыі The Together Plan Дэбра Брунэр, старшыня міжнароднай грамадскай дабрачыннай арганізацыі «Дыялог» Артур Ліўшыц.

Гэта не першая такая сустрэча. Супольныя крокі ў гэтым кірунку абмяркоўваліся ў ліпені 2017 года: ужо тады ангельскі бок правёў збор сродкаў на пачатак першага этапу рэканструкцыі.

Будынак сінагогі размешчаны ў самым цэнтры Слоніма. Пабудаваная яна ў сярэдзіне XVII стагоддзя.

Цяпер будынак закансерваваны, раней тут быў абноўлены дах. Унутры захаваліся арыгінальныя элементы інтэр'еру. У перспектыве тут створаць музей.

«У Слоніме габрэі раней складалі больш за 80% насельніцтва. І сёння на радзіму сваіх бацькоў, дзядоў і прадзедаў стала прыязджаюць нашчадкі з іншых краін. Многія з іх наведваюць былы будынак сінагогі. Музей габрэйскай культуры можа стаць адным з аб'ектаў набіраючага цяпер папулярнасць паклоннага турызму і прыцягнуць у горад дадатковых гасцей», - адзначаюць у райвыканкаме.

Там падкрэслілі, што цяпер вядуцца праектныя працы. Таксама ўдзел у фінансаванні рэканструкцыі плануе ўзяць Слонімская Габрэйская асацыяцыя ў Ізраілі.