Сіноптыкі распавялі пра надвор'е ў выходныя

Заўтра ападкаў не чакаецца.

Халодны антыцыклон выцесніў цяпло за межы Беларусі, і мінулай ноччу на большай частцы тэрыторыі краіны істотна пахаладала. У гэтыя выхадныя дні чакаецца далейшае паніжэнне тэмпературнага рэжыму. 21-22 кастрычніка варункі надвор'я на тэрыторыі Беларусі будзе ў асноўным вызначаць перыферыя халоднага антыцыклону, шлях якога пройдзе са Скандынавіі на цэнтральныя раёны Расеі, у заходніх раёнах нашай краіны адаб'ецца ўплыў франтальнага падзелу. Пра гэта tut.by распавяла намесніца начальніка службы метэаралагічных прагнозаў Белгідрамета Святлана Рыбакова.

21 кастрычніка, у суботу, на паўднёва-заходняй палове Беларусі пройдуць невялікія дажджы, на астатняй тэрыторыі краіны істотных ападкаў не чакаецца. У начныя і ранішнія гадзіны ў асобных раёнах туман. Тэмпература паветра мінімальная ўначы складзе ад -2°С на поўначы да +10°С на паўднёвым захадзе краіны, максімальная тэмпература паветра ў сярэдзіне дасягне +4...10°С, у паўднёва-заходніх раёнах яна падвысіцца да +11...14°С.

22 кастрычніка, у нядзелю, у асобных раёнах у паўднёва-заходняй палове краіны пройдуць кароткачасовыя дажджы. Тэмпература паветра мінімальная ўначы -3...+3°С, на паўночным усходзе пры ясным небе паветра астудзіцца да -4...6°С, максімальная ўдзень складзе +2...8°С; у паўднёва-заходніх раёнах краіны цяплей - уначы +4...6°С, удзень +9...10°С.

23 кастрычніка, у панядзелак, істотных змяненняў у надвор'і не чакаецца, будзе пераважна без ападкаў, толькі на паўднёвым захадзе краіны кароткачасовыя дажджы. Тэмпература паветра мінімальная ўначы ад -5°С на паўночным усходзе да +6°С на паўднёвым захадзе, максімальная ўдзень +2...8°С.

У далейшым да канца працоўнага тыдня чакаецца халоднае перадзiмовае надвор'е. У аўторак, 24 кастрычніка, франтальны раздзел абумовіць у паўднёва-заходніх і цэнтральных раёнах Беларусі кароткачасовыя дажджы, месцамі ў цэнтральных раёнах чакаецца мокры снег, слабыя туман і галалёд. Тэмпература паветра мінімальная ўначы 0...+6°С, на паўночным усходзе пры ясным небе паветра астудзіцца да -1...4°С, максімальная тэмпература ўдзень складзе +2...8°С.

25 кастрычніка, у сераду, уплыў франтальнага падзелу распаўсюдзіцца на большую частку тэрыторыі Беларусі, чакаецца няўстойлівае з ападкамі ў выглядзе дажджу і мокрага снегу надвор'е, месцамі не абыдзецца без слабых галалёдных з'яў. Тэмпература паветра мінімальная ўначы складзе -3...+4°С, удзень 0...+6°С, на паўднёвым захадзе да +8°С.