«Разбудзі ў сабе цмока!»: Матывацыйны ролік ад «Цмокі-Мінск»
2- 24.10.2017, 9:51
- 12,526
Баскетбольны клуб выпусціў новы натхняльны відэаролік.
У сезоне клуб абраў сваім дэвізам не рэкламны слоган, а жаданне матываваць, у тым ліку і сябе, піша marketing.by.
«Разбудзі ў сабе цмока» - гэта цэлая філасофія, якую са спартыўных спаборніцтваў можна перанесці ў кожны аспект жыцця. У жыцці кожнага чалавека ёсць месца Учынку, у кожнага ён свой, але для яго здзяйсненні часам не стае зусім крыху: трохі смеласці, трохі рашучасці, трохі ўпэўненасці ў сабе. І ў гэты момант трэба прыслухацца да сваёй унутранай сілы», - сказана ў прэс-рэлізе клуба.
Новым ролікам «Цмокі-Мінск» хочуць падтрымаць сваіх заўзятараў у іх здзяйсненнях і пачынаннях так, як самі заўзятары падтрымліваюць улюбёны клуб на ўсіх гульнях. Бо кожнае маленькае намаганне важнае для вялікай перамогі як у гульні, так і над сабой.