Пад Баранавічамі два цягнікі пратаранілі грузавік
25- 8.10.2017, 17:40
- 51,243
(Абноўлена) У выніку здарэння цягнікі спазняюцца на 1,5-3 гадзіны.
Каля станцыі Юшкевічы пад Баранавічамі адбылася чыгуначная аварыя. Цягнік сутыкнуўся з грузавіком, які перавозіў цукровыя буракі, паведамляе nn.by.
Паводле папярэдняй інфармацыі, у грузавіка на пераездзе адмовіла кіраванне. Яго кіроўца паспеў выскачыць з кабіны і нават адчапіў прычэп.
У грузавік рэзнуўся цягнік Менск-Берасце. Ён адкінуў часткі аўтамабіля, і ў іх рэзнуўся іншы цягнік, што рухаўся ў процілеглым кірунку.
Работнікі Беларускай чыгункі расчышчаюць рэйкі.
Пасля аднаўлення руху цягнікі спазняюцца на 1,5-3 гадзіны.