ЕЗ рыхтуе шырокі чорны спіс краін-афшораў
4- 14.11.2017, 16:07
- 15,951
Еўрапейская камісія адсочвае 92 краіны.
У Еўрапейскай камісіі спадзяюцца, што ў пачатку снежня 2017 года будзе ўзгоднены чорны спіс краін-афшораў, піша rbc.ua.
Пра гэта падчас выступу на пасяджэнні Еўрапейскага парламента заявіў еўрапейскі камісар у пытаннях эканомікі і фінансаў П'ер Маскавісі ў Twitter. «Мы павінны паскорыць працу, прыняўшы спіс падатковых гаваняў пятага снежня і правілы падатковых пасярэднікаў цягам шасці месяцаў», - сказаў ён. З ягоных слоў, цяпер у Еўрапейскім Звязе адсочваюць 92 краіны. «Некаторыя з іх ужо ўзялі на сябе абавязацельства рэфармаваць сваё падатковае заканадаўства ў адпаведнасці з еўрапейскімі стандартамі», - адзначыў ён.
Avec l’adoption des mesures sur la table, nous renforcerions notre bouclier anti-évasion. Il faut accélérer les travaux en adoptant la liste des paradis fiscaux le 5 décembre et les règles sur les intermédiaires fiscaux dans les six mois! #ParadisePapers https://t.co/5G8YMAGx8w
— Pierre Moscovici (@pierremoscovici) 14 ноября 2017 г.
Паводле звестак Boston Consulting Group, аб'ёмы сродкаў у афшорах у абсалютных вылічэннях выраслі з 6 трлн даляраў у 2005 годзе да 10 трлн даляраў у 2016 годзе.
