Камандзір наймітаў узначаліў рэстаранны бізнэс «кухара» Пуціна

Дзмітрый Уткін уважаецца за камандзіра прыватнай вайсковай кампаніі Вагнера і знаходзіцца пад санкцыямі ЗША.

Гендырэктарам ТАА «Канкорд мэнэджмэнт і кансалтынг», паводле звестак базы «СПАРК-Інтэрфакса», 14 лістапада стаў Дзмітрый Валер'евіч Уткін - поўны цёзка меркаванага камандзіра ЧВК Вагнера. На гэтай пасадзе ён змяніў Насту Савуціну. Прозвішча імя і імя па бацьку новага мэнэджара супадае з імем меркаванага камандзіра ЧВК Вагнера.

РБК накіраваў афіцыйны запыт прадстаўнікам Яўгена Прыгожына. Крыніца РБК у асяроддзі Прыгожына пацвердзіла, што гаворка ідзе пра меркаванага камандзіры ЧВК Вагнера.

ТАА «Канкорд мэнэджмэнт і кансалтынг», паводле інфармацыі на сайце кампаніі, уваходзіць у ГК «Канкорд» (саўладальнік пецярбуржскі бізнэсовец Яўген Прыгожын). Фірма з'яўляецца кіроўнай кампаніяй рэстараннага холдынгу Прыгожына. Ёй належаць некалькі рэстарацый у Маскве (рэстарацыя-цеплаход River Palace) і Пецярбургу («Русский Ампиръ», «Русский китч», Polenta), а таксама сетка буцікоў «Музей шакаладу». Акрамя таго, «Канкорд мэнэджмэнт і кансалтынг» вядзе будаўніцтва пасёлка «Паўночны Версаль» пад Пецярбургам. «Паводле задумы гэта будзе палацава-паркавы ансамбль у духу рэзідэнцый манархаў мінулых стагоддзяў», - гаворыцца на сайце кампаніі.

Кампанія Прыгожына «Канкорд М» пастаўляе харчаванне для Кіраўніцтва справамі прэзідэнта Расеі. Бізнэсовец займаецца пастаўкамі 90% абедаў у маскоўскіх школах, звязаныя з ім структуры здабылі тэндары на прыбіранне ў казармах і навучальных установах Мінабароны.

Пецярбуржскае выданне «Фантанка» неаднаразова называла Уткіна камандзірам прыватнай вайсковай кампаніі Вагнера. Упершыню, як распавядалі крыніцы РБК, група Вагнера з'явілася на Блізкім Усходзе незадоўга да таго, як Расея стала афіцыйна разгортваць свае вайсковыя базы ў Сірыі. У групе служылі амаль 2,5 тысяч чалавек. Аб удзеле ЧВК Вагнера ў сірыйскай кампаніі першай паведаміла «Фантанка» ў кастрычніку 2015 года. Як сцвярджалі «Фантанка» і The Wall Street Journal, байцы Вагнера таксама бралі ўдзел у баях на паўднёвым усходзе Украіны на баку самаабвешчаных ДНР і ЛНР.

Вагнер, паводле звестак «Фантанкі», - гэта баявы пазыўны Уткіна. Камандзір групы з'яўляецца афіцэрам запасу і раней служыў у пскоўскай брыгадзе ГРУ. У снежні 2016 года Уткін быў запрошаны на прыём у гонар святкавання Дня герояў Айчыны ў Георгіеўскай зале Вялікага Крамлёўскага палаца. Прэс-сакратар Крамля Дзмітрый Пяскоў пацвярджаў, што Уткін прысутнічаў на прыёме. «Я не ведаю, як ён вядомы, Дзмітрый сапраўды быў. Ён кавалер ордэнаў Мужнасці, ён быў ад Наўгародскай вобласці», - казаў Пяскоў.

Уткін і «Канкорд мэнэджмэнт і кансалтынг» у чэрвені 2017 гады патрапілі ў санкцыйных спіс ЗША. Санкцыі, як заяўляў тады Мінфін ЗША, былі ўведзеныя «ў адпаведнасці з абавязаннямі шукаць дыпламатычныя шляхі развязання крызісу ва Украіне і спрыяць вяртанню Крыма ў склад Украіны».