Гідрамет: У суботу будзе да +5°С

Удзень чакаюцца ападкі.

18 лістапада надвор'е абумовіць поле паніжанага атмасфернага ціску, удзень на паўднёвым усходзе краіны адаб'ецца ўплыў атмасфернага фронту. Уночы ў асобных раёнах, удзень на паўднёвым усходзе пройдуць кароткачасовыя ападкі (мокры снег, дождж), паведамляе Гідрамет.

Месцамі туман, уночы і раніцай слабы галалёд. Тэмпература паветра мінімальная ўночы -3..+3°С, максімальная ўдзень 0..+5С.