Як будзе выглядаць сусветны энэргетычны рынак у 2025 годзе

ЗША выперадзяць Расею і стануць сусветным лідарам у здабычы нафты.

Паводле звестак спецыялістаў, спажыванне электраэнергіі ў свеце расце. Пры гэтым чакаецца, што неўзабаве ЗША выперадзяць Расею і стануць сусветным лідарам у здабычы нафты.

Глабальнае пацяпленне, забруджванне паветра і дэфіцыт электраэнэргіі ў краінах, якія развіваюцца - на першы погляд здаецца, што спробы адначасова вырашыць усе гэтыя праблемы загадзя асуджаныя на крах. Бо чым больш бедныя краіны нарошчваюць аб'ёмы спажывання электраэнэргіі, тым менш выканальнымі выглядаюць мэты міжнароднай супольнасці ў абароне клімату і навакольнага асяроддзя, піша DW.

Яшчэ адна Індыя і адзін Кітай

13 лістапада Міжнароднае энэргетычнае агенцтва (МЭА) апублікавала штогадовы даклад World Energy Outlook 2017. Паводле звестак МЭА, спажыванне электраэнэргіі ва ўсім свеце няўхільна расце, хоць і трохі павальней, чым раней. Да 2040 года сусветны попыт на энэрганосьбіты павялічыцца прыкладна на 30 адсоткаў. Фактычна, гэта азначае, што электраэнэргіяй давядзецца забяспечыць яшчэ адную Індыю і яшчэ адзін Кітай, гаворыцца ў дакладзе.

Пры гэтым самы імклівы рост энэргаспажывання чакаецца не ў Кітаі, а ў Індыі: экспэрты МЭА мяркуюць, што гэты паказчык узрасце там больш чым утрая. У КНР жа попыт на электраэнергію павялічыцца толькі на 20 адсоткаў. У Міжнародным энэргетычным агенцтве тлумачаць гэта запаволеннем эканамічнага росту ў краіне, а таксама «энергетычнай рэвалюцыяй» і рэалізацыяй захадаў барацьбы з забруджваннем атмасферы.

Цяпер Кітай актыўна развязвае праблемы ў эканоміцы. Улады ў Пекіне мяркуе, што кітайскія прадпрыемствы павінны надалей рабіць стаўку на інавацыі і стымуляваць спажыванне на ўнутраным рынку шляхам далейшага развіцця сферы паслуг. Тым не менш, да 2040 года энэргаспажыванне на душу насельніцтва ў КНР перавысіць аналагічны паказчык у Еўразвязе, адзначаецца ў дакладзе.

Затое ў Еўропе, ЗША і Японіі спажыванне электраэнэргіі ўдасца скараціць - у асноўным дзякуючы пераходу на аднаўляльныя крыніцы энэргіі. У 2020-х гадах вугаль перастане быць асноўнай крыніцай атрымання электраэнэргіі. Але спажыванне вугалю ў свеце павольна расце. У той час як у Еўропе попыт на выкапнёвыя тыпы паліва падае, у многіх краінах, якія развіваюцца справа ідзе наадварот - перш за ўсё ў Індыі, якая да 2040 года будзе спажываць утрая больш вугалю, чым цяпер.

ЗША стануць сусветным лідарам у здабычы нафты

Спецыялісты МЭА прагназуюць, што сусветны попыт на нафту да 2040 года ўзрасце прыкладна на 10 адсоткаў. Пры гэтым бясспрэчным лідарам на сусветным нафтагазавым рынку стануць ЗША. Чакаецца, што да 2025 года здабыча нафты ў Злучаных Штатах дасягне 16,8 млн барэляў за дзень. Згодна з прагнозам агенцтва, другое месца ў спісе зойме Сірыя з паказчыкам 12,3 барэляў.

Расеі ж падрыхтаванае толькі трэцяе месца: як адзначаецца ў дакладзе, да 2025 года аб'ём здабычы расейскай нафты знізіцца да 10,5 млн барэляў (у 2016 годзе гэты паказчык складаў 11,3 млн), а да 2040 года - да 8,6 барэляў за дзень.

У той жа час узровень спажывання прыроднага газу павялічыцца на 45 адсоткаў. Згодна з дакладам, агульны аб'ём сусветнай здабычы газу да 2025 года перавысіць 4 трлн, да 2040 года - 5,3 трлн кубаметраў. Чакаецца, што ЗША будуць дамінаваць і тут. Паводле ацэнак МЭА, да 2025 года амерыканцы выперадзяць Расею і будуць здабываць 971 млрд, а да 2040 года - больш за 1 трлн кубаметраў газу.

Расея застанецца лідарам у экспарце газу

Як піша МЭА, асноўным драйверам росту сусветнай газавай здабычы стане сланцавы газ. Гэта стане магчымым найперш дзякуючы выкарыстоўванню амерыканскімі спецыялістамі метаду фрэкінгу - спрэчнай тэхналогіі здабычы сланцавага газу з дапамогай гідраразрыву геалагічных парод.

У ЗША гэтая тэхналогія апошнія гады атрымала імклівае распаўсюджванне. Гэта выклікала маштабныя пратэсты эколагаў, якія сцвярджаюць, што распрацоўка радовішчаў сланцавага газу шкодзіць навакольнаму асяроддзю. Актывісты асцерагаюцца, што выкарыстанне гэтага метаду прывядзе да забруджвання грунтавых вод і паветра атрутнымі хімічнымі злучэннямі.

У сваю чаргу Расея зойме толькі другое месца ў спісе найбуйнейшых газаздабывальных краін. Як адзначае МЭА, да 2025 года РФ удасца нарасціць здабычу газу толькі да 718 млрд, а да 2040 года - да 788 мільярдаў кубаметраў. У той жа час спецыялісты мяркуюць, што Расея застанецца лідарам у экспарце газу як у сярэднетэрміновай, так і ў доўгатэрміновай перспектыве.

Чысты экспарт расейскага газу да 2025 года павялічыцца да 265 млрд кубаметраў (у 2016 годзе было 188 млрд), а да 2040 года - да 314 млрд кубаметраў. Адпаведна дзель расейскага газу ў сусветным гандлі павялічыцца да 37 адсоткаў да 2025 годзе і да 40 адсоткаў - да 2040 года. А сусветным лідарам у імпарце газу стане Еўразвяз, яго аб'ёмы закупак да 2025 годзе дасягнуць 374 млрд, а да 2040 года - 389 мільярдаў кубаметраў.