Саудаўскім прынцам прапанавалі абмяняць грошы на свабоду
17- 17.11.2017, 12:58
- 20,350
Урад плануе папоўніць дзяржаўную скарбонку на сотні мільярдаў даляраў.
Улады Саудаўскай Арабіі прапанавалі сябрам каралеўскай сям'і, затрыманай паводле падазрэння ў карупцыі, абмяняць частку іх маёмасці на волю. Аб гэтым піша Financial Times са спасылкай на крыніцы (пераклад - gazeta.ru).
Выданне патлумачыла, што такім чынам урад плануе папоўніць дзяржаўную скарбонку на сотні мільярдаў даляраў.
«Яны вядуць перамовы з большасцю тых, хто знаходзіцца ў Ritz (гатэль Ritz-Carlton - рэд.). Даставайце гатоўку і можаце быць вольныя», - сказала крыніца.
Са слоў суразмоўцы газеты, аднаму з затрыманых мільярдэраў прапанавалі пералічыць дзяржаве 70% ад свайго багацця для выплаты шкоды ад карупцыйнай дзейнасці.
Раней СМІ паведамілі, што мільярдэры Саудаўскай Арабіі шукаюць шляхі вываду актываў з краіны.