МЗС Чэхіі: Расея наўмысна перакручвае гісторыю
7- 21.11.2017, 17:31
- 15,215
Любаміра Зааралека абурылі спробы трактавання Пражскай вясны як арганізаванага Захадам перавароту.
Міністр замежных спраў Чэхіі Любамір Зааралек заявіў, што расейскія дзяржаўныя СМІ павінны спыніць публікацыю меркаванняў, якія перакручваюць і няправільна тлумачаць гісторыю. Пра гэта ён напісаў у Twitter, паведамляе Еўрапейская праўда.
"Умовай паляпшэння стасункаў паміж Чэшскай рэспублікай і Расеяй з'яўляецца тое, што звязаныя з дзяржавай расейскія СМІ павінны спыніць публікаваць думкі, якія з'яўляюцца грубым скрыўленнем і няправільным тлумачэннем падзей 1968 года ў Чэхаславакіі", - напісаў ён.
"Мы не хочам слухаць, што ў 1968 годзе мы сутыкнуліся з арганізаваным Захадам пераваротам", - дадаў міністр.
Podmínkou zlepšení vztahů mezi ČR a Ruskem je, aby ruská média spojená s vládními institucemi nezveřejňovala stanoviska, která jsou hrubým překroucením a dezinterpretací událostí roku 1968 v ČSSR. Nechceme poslouchat (číst), že jsme v roce 1968 čelili Západem organizovanému puči.
— Lubomír Zaorálek (@ZaoralekL) 21 ноября 2017 г.