Навагрудскі замак знаходзіцца ў небяспецы
6- 11.12.2017, 16:25
- 19,151
Стан узгорка пагоршылі моцныя ліўні, якія прайшлі летам.
Беларусы ўсё больш гавораць пра небяспеку, якая навісла над Навагрудскім замкам Міндоўга, які знаходзіцца ўсяго ў 150 кіламетрах ад Вільні, паведаміла ў суботу газета Lietuvos rytas, Delfi.
Са слоў старшыні Беларускага добраахвотнага таварыства аховы помнікаў гісторыі і культуры Антона Астаповіча, стан узгорка пагоршылі моцныя ліўні мінулага лета. З ягоных ацэнак, сітуацыя Навагрудскай замкавай гары лепшая, чым Віленскай, дзе стаіць вежа Гедыміна. «Я - гісторык архітэктуры, у нумаралогію не веру. Гэта супадзенне звязанае з кліматам. Мінулае лета сапраўды было дажджлівым. І ў Літве, і ў Беларусі ападкі перавысілі ўсе нормы.
На Гары Міндоўга разбураецца толькі ўрадлівы пласт зямлі - блізу 30 см глыбінёй. Яго падмылі грунтавыя вады. Калі здолеюць зрабіць добры дрэнаж, на маю думку, становішча павінна стабілізавацца», - сказаў А. Астаповіч.
Ён таксама адзначыў, што пакуль няма пагрозы руйнавання замка, пабудаванага Міндоўгам, але такая сітуацыя можа адбыцца. Ён распавёў, што схіл гары пад замкам быў замацаваны палямі.