Мама Домрачавай: Ніхто не сумняваўся, што Даша будзе выступаць за Беларусь
16- 12.12.2017, 11:06
- 15,080
Ларыса Мініна распавяла, як вядомая біятланістка выбірала нацыянальную каманду.
Мама Дар'і Домрачавай Ларыса Мініна распавяла пра пастанову дачкі выступаць за Беларусь, піша «Трыбуна».
- Як вы ўспрынялі пастанову дачкі аб змене спартыўнага грамадзянства?
- Даша нарадзілася ў Менску, як і я, мой муж нарадзіўся ў Чэрвені, недалёка ад Менска. Мы - менчукі, проста так атрымалася, што з'ехалі на пэўны перыяд у Сібір (бо мы ўсе тады жылі ў Савецкім Саюзе). Думалі, гады на тры, але выйшла даўжэй.
Тое, што Даша вернецца ў Менск, у Беларусь, было зразумела ўсім нам, маглі абмяркоўвацца толькі тэрміны... Калі яна яшчэ вучылася ў школе, мы неяк ездзілі ў Раўбічы, каб пагутарыць з трэнерамі ў біятлоне. У тым, што яна будзе выступаць за Беларусь, ніхто ніколі не сумняваўся, - сказала Ларыса Мініна.