Мінадукацыі выдала падручнік са зблытанымі гербамі Гомеля і Гародні
1- 15.12.2017, 15:12
- 14,096
Падручнік для чацвёртага класа быў надрукаваны яшчэ ў 2014 годзе.
У рэдакцыю newgrodno.by даслала фота чытачка Алена, якая была вельмі здзіўленая заданнем па матэматыцы.
«Гартаючы падручнік па матэматыцы 4 класа, звярнула ўвагу на гербы Гомеля і Гародні: яны былі пераблытаныя паміж сабой», - шакаваная Алена. У чытачкі паўстала пытанне: як Міністэрства адукацыі Беларусі дапусціла да друку падручнік, пераблытаўшы гербы двух з шасці абласных цэнтраў краіны?
Вучэбны дапаможнік для 4 класа ўстаноў агульнай сярэдняй адукацыі з беларускай мовай навучання (частка 1) надрукаваны ў 2014 годзе Нацыянальным інстытутам адукацыі агульным накладам 49000 асобнікаў. І быў дапушчаны да друку Міністэрствам адукацыі Беларусі.