Беларус Сяргей Жыгалка перамог на ЧЕ у шахматах у бліцы
1- 17.12.2017, 11:06
- 8,598
Турнір праходзіў у польскім горадзе Катавіцы.
Беларус Сяргей Жыгалка перамог на чэмпіянаце Еўропы ў шахматах у бліцы. Турнір завяршыўся ў польскім горадзе Катавіцы, паведамляе карэспандэнт БелТА.
Спаборніцтвы прайшлі ў адзінаццаць здвоеных тураў. Сяргей Жыгалка набраў 18 балаў і заняў першае месца.
У тройку прызёраў увайшлі таксама Люк Макшэйн з Вялікабрытаніі, які з 17,5 баламі заняў другое месца, бронзавым прызёрам чэмпіянату стаў Петэр Міхалік з Чэхіі.
У дзясятку таксама ўвайшоў і беларус Аляксей Аляксандраў, набраўшы 17 балаў, ён заняў выніковае восьмае месца. У спаборніцтвах у бліцы ў Катавіцы ўзяў удзел 1091 гулец, сярод якіх 72 гросмайстры.