Сланімчанка: Нас прадалі разам з дарогай

Як жыхарка вёскі пад Слонімам змагаецца за свае правы.

У вёсцы Русакова Слонімскага раёна жыве Святлана Лагвінюк. Некалі яе бацька пабудаваў побач з домам калодзеж, якім маглі карыстацца ўсе жыхары вёскі. Толькі вось цяпер людзям да калодзежа не падступіцца, піша gs.by.

Святлана шмат гадоў спрабуе дамагчыся развязання пытання ў мясцовым выканаўчым камітэце, нават удзельнічала ў судовых разглядах, але абараніць былы праход да калодзежа для ўсіх вяскоўцаў так і не змагла. Яе сусед паставіў плот практычна ўшчыльную да вясковага калодзежа. Тым самым, адзначае сяльчанка, ён загарадзіў людзям доступ да вады. Сёння ў астатніх студнях вёскі вада, на сцвярджэнне жанчыны, ужо не прыдатная для піцця.

Яшчэ адна праблема, пра якую абмовілася Святлана, заключаецца ў тым, што тэрыторыя вёскі з некаторага часу апынулася падзеленая на дзве часткі, паўночную і паўднёвую. А мяжой падзелу стала фермерская гаспадарка, пад якую чамусьці была выдзеленая ў арэнду зямля з сельскай дарогай. Вось цяпер вяскоўцам і даводзіцца абыходзіць бокам гэту аграгаспадарку, каб патрапіць у краму ці фельчарскую пункт.

У сувязі з гэтым людзі і задаюцца пытаннем: няўжо для фермера не знайшлося ў акрузе іншы ворнай зямлі, акрамя тэрыторыі самой вёскі Русакова? Пасля гэтага вёска больш добраўпарадкаванай не стала. Наадварот, усё парасло травой і выглядае недагледжаны, тым самым псуе знешні выгляд вёскі.

Баронячы свае і правы вяскоўцаў, Святлана Лагвінюк адзначае, што, перадаўшы фермеру частку вёскі ў арэнду, «іх такім чынам прадалі разам з дарогай...».