Найлепшы беларускі гандбольны брамнік 2016 года прадоўжыць кар'еру ў Нямеччыне
1- 16.02.2017, 15:59
- 26,195
Вячаслаў Салдаценка перайшоў з менскага СКА ў нямецкі «Балінген».
Беларускі брамнік Вячаслаў Салдаценка ў зімовае трансфернае акно перайшоў з менскага СКА ў нямецкі «Балінген», піша by.tribuna.com.
Адзначым, што Салдаценка два гады з'яўляўся асноўным галкіперам СКА.
У складзе нацыянальнай каманды Беларусі брамнік браў удзел у двух чэмпіянатах свету (2015, 2017) і чэмпіянаце Еўропы (2016). На чэмпіянаце Еўропы ў Польшчы ў 2016-м годзе Вячаслаў Салдаценка зноў стаў адным з найлепшых брамнікаў турніру. Таксама ў 2016 годзе быў прызнаны найлепшым маладым брамнікам свету паводле версіі аўтарытэтнага інтэрнэт-партала handball-planet.com.