Домрачава і Скардзіна возьмуць удзел у мас-старце на ЧС у біятлоне
10- 19.02.2017, 12:44
- 18,560
Гонка ў аўстрыйскім Хохфільцэне пачнецца а 13.20 паводле менскага часу.
Дар'я Домрачава і Надзея Скардзіна возьмуць удзел у гонцы з масавым стартам, якая пройдзе сёння ў рамках чэмпіянату свету ў біятлоне ў аўстрыйскім Хохфільцэне. Гонку пакажуць у жывым эфіры на тэлеканале «Беларусь 5», пачатак а 13.20, паведамляе euroradio.fm.
Прадстаўнікі мужчынскай нацыянальнай каманды Беларусі ў біятлоне не будуць удзельнічаць у мас-старце — мужчынская гонка адбудзецца а 16.35 і скончыць праграму сусветнага першынства.
Раней на гэтым чэмпіянаце Дар'я Домрачава здабыла срэбра ў гонцы пераследу. Гэта адзіная ўзнагарода Беларусі на спаборніцтвах у Хохфільцэне.