Бацькі: Незаконныя паборы ў школах прадаўжаюцца

Указ Міністэрства адукацыі толькі памяняў метады збірання грошай з сем'яў вучняў.

Міністэрства адукацыі афіцыйна забараніла бацькоўскім камітэтам збіраць грошы ў школах і дзіцячых садках. Ці пазбавіць гэта бацькоў ад збораў на так званыя патрэбы класа і падарункі для педагогаў?

Цяпер грошы на патрэбы школы і дзіцячага садка бацькі павінны будуць пералічваць на разліковы рахунак у банку. Прымаць пастанову, у чым мае патрэбу ўстанова і на што выдаткаваць бацькоўскія ўнёскі, будзе апякунская рада.

Хоць дырэктары баранавіцкіх навучальных устаноў адмаўляюць той факт, што бацькоўскія камітэты збіраюць грошы, ні для кога не сакрэт, што напраўду збіраюць на сурвэткі, паперу, падпіску, падарунак настаўніку да чарговага свята.

І, на думку бацькоў, з якімі пагутарыла выданне Intex-press, пасля ўвядзення забароны нічога не зменіцца.

– Ніякія законы паборы не спыняць. Як збіралі грошы, так і будуць збіраць, толькі таемна і ўтойліва. У тым ліку і на падарункі педагогам, на сумы, якія вызначаюцца апетытам саміх выхавальнікаў або жаданнем з боку некаторых бацькоў падлашчыцца да настаўніка, – адзначыла адна з апытаных.

А гараджанка Таццяна мяркуе, што нічога не зменіцца датуль, пакуль дзяржава не пачне выдаваць на адукацыю больш грошай, як гэта робіцца ў еўрапейскіх краінах.