Памёр сталы прадстаўнік Расеі ў ААН Віталь Чуркін
- 20.02.2017, 20:22
- 16,056
Ён памёр за дзень да свайго 65-годдзя.
У Нью-Ёрку 20 лютага памёр сталы прадстаўнік Расеі ў ААН Віталь Чуркін. Аб гэтым паведамляе МЗС РФ.
Ён памёр за дзень да свайго 65-годдзя, піша ўстанова.
«Выбітны расейскі дыпламат пайшоў з жыцця на працоўнай пасадзе», — сказана ў паведамленні МЗС РФ.
Аб прычынах смерці Чуркіна не паведамляецца.
Віталь Чуркін знаходзіўся на дыпламатычнай працы з 1974 года, з 2006 займаў пасаду сталага прадстаўніка Расеі пры ААН.