Азербайджан абвясціў у міжнародны вышук еўрапейскіх дэпутатаў
7- 23.02.2017, 9:15
- 29,147
Аліеў правакуе міжнародны скандал.
Генеральная пракуратура Азербайджана распачала крымінальную справу ў сувязі з правядзеннем супрацоўнікам інстытута малекулярнай біялогіі нацыянальнай акадэміі навук Арменіі Лявонам Епіскапянам, даследчыкам Нацыянальнага навуковага музея прыродазнаўства Гішпаніі Ёланда Фернандэсам Халва, дырэктарам «Азохскага праекта» брытанскага музея Бланфорд Таню Кінг і навуковым работнікам Лонданскага музея прыродазнаўства Пітэрам Эндру з 2002 года археалагічных раскопак у Азыхской пячоры, размешчанай на акупаваных тэрыторыях Азербайджана.
Як паведамляе Oxu.Az, кіраўнік прэс-службы Генпракуратуры Эльдар Султанаў паведаміў АПА, цяпер вывучаецца адпаведнасць іх дзейнасці заканадаўству Азербайджана і нормам міжнароднага гуманітарнага права.
Генпракуратура Азербайджана таксама абвясціла ў міжнародны вышук дэпутатаў Еўрапарламента Франка Энгеля (Люксембург), Элен Тэахарус (Кіпр) і Яраміра Штэціну (Чэхія) за назіранне за «рэферэндумам» у Нагорным Карабаху».
У дачыненні да іх распачатая крымінальная справа паводле адпаведных артыкулаў КК Азербайджана за неаднаразовае незаконнае наведванне акупаваных тэрыторый Азербайджана, і паводле падазрэння ў незаконным наведванні Нагорнага Карабаха з мэтай удзелу ў так званым «рэферэндуме» 20 лютага ў якасці «назіральнікаў». Суд прыняў пастанову аб арышце Ф.Энгеля, Э.Тэахарус і Я. Штэціны. Яны абвешчаныя ў міжнародны вышук па лініі «Інтэрпола».