Reuters: Трамп значна павялічыць выдаткі на абарону

Пентагон павінен атрымаць больш баявых караблёў і ўзмацніць амерыканскую прысутнасць на ключавых марскіх напрамках.

Праект бюджэту, які Белы дом накіруе федэральным ведамствам, прадугледжвае скарачэнне сродкаў, што выдзяляюцца Дзярждэпартаменту. Аднак выдаткі на абарону павінны павялічыцца, паведамляе Reuters (пераклад – DW).

Згодна з прапановай прэзідэнта ЗША Дональда Трампа ў дзяржбюджэт, выдаткі Вашынгтона на абарону павінны ўзрасці, у той час як сродкі, якія выдзяляюцца Дзяржаўнаму дэпартаменту і, напрыклад, агенцтву ў ахове навакольнага асяроддзя мяркуецца скараціць. Пра гэта гаворыцца ў праекце бюджэту, які Белы дом павінен у панядзелак, 27 лютага, накіраваць федэральным ведамствам, паведамляе Reuters са спасылкай на дзве дасведчаныя крыніцы.

Са слоў аднаго з іх, Трамп запытаў павялічыць выдзяленне грошай для Пентагона на суднабудаванне, вайсковыя самалёты і больш надзейную прысутнасць на ключавых міжнародных водных шляхах, такіх як Армузскі праліў і Паўднёва-Кітайскае мора.

Другі суразмоўца Reuters распавёў, што бюджэт Дзярждэпартамента можа быць скарочаны на цэлых 30 адсоткаў, што прывяло б да сур'ёзнай рэструктурызацыі ведамства і ліквідацыі шэрагу праграм.

Абодва чыноўнікі размаўлялі з агенцтвам на ўмовах ананімнасці, бо праект бюджэту яшчэ не быў абнародаваны. Пры гэтым працэс ўзгаднення бюджэту з федэральнымі ведамствамі займае шмат часу і ў выніку павінен быць зацверджаны Кангрэсам.