Рабаўніком, які пагражаў падарваць абменнік у Менску, выявіўся 21-гадовы студэнт

Міліцыя затрымала рабаўніка, які забраў з абменніка $1,5 тысяч.

Затрыманы падазраваны ў рабаванні абменнага пункта на вуліцы Я. Коласа ў Менску.

Нагадаем, інцыдэнт адбыўся два тыдні таму: пад пагрозай выкарыстаць бомбу мужчына завалодаў значнай сумай (прыкладна 1,5 тысячы даляраў). Падрабязнасці паведамляе ГУУС Менгарвыканкама.

«Ім выявіўся 21-гадовы мянчук, студэнт адной з ВНУ сталіцы. Цяпер ён затрыманы, праводзяцца праверкі. Падрабязнасці будуць дададзеныя пазней», — распавялі ў ГУУС.

Нагадаем, што невядомы мужчына з дапамогай пагроз вынес з абменніка 1,5 тысячы рублёў, 65 даляраў і 40 тысяч расейскіх рублёў.

Першамайскім РАСК Менска ў гэтым факце была распачатая крымінальная справа паводле ч.1 арт.207 Крымінальнага кодэкса (разбой). Санкцыя артыкула прадугледжвае да чатырох гадоў пазбаўлення волі.