У Асіповічах затрыманыя бізнэсоўцы з міліцэйскім мінулым

Некалькі гадоў таму кампанія «Тэхсаюз Полюс» «удала патрапіла адразу ў тры найважнейшыя дзяржпраграмы».

На мінулым тыдні ў Асіповічах былі затрыманыя вядомыя мясцовыя бізнэсоўцы, распавялі чыталі tut.by. З іх слоў, пікантнасць гісторыі ў тым, што прадпрымальнікі — у нядаўнім мінулым супрацоўнікі праваахоўных органаў.

Як атрымалася даведацца журналістам, гаворка ідзе аб кіраўніках кампаніі «Тэхсаюз Полюс». Фірма была створаная ў 2012 годзе для выпуску «ўпаковачных матэрыялаў на аснове поліэтылену». Кампанія ўдала патрапіла адразу ў тры найважнейшыя дзяржпраграмы, пісала ў 2014 годзе газета «Асіповіцкі край»: выпуску імпартазамяшчальнай прадукцыі, выкарыстання інавацыйных тэхналогій, развіцця рэгіёнаў і малых гарадоў. Таму ў заснавальнікаў таварыства з абмежаванай адказнасцю — асіповіцкіх бізнэсоўцаў Віталя Лісічкіна і Дзмітрыя Міхайлава — не ўзнікла праблем у атрыманні на самых выгадных умовах неабходных плошчаў і сродкаў для арганізацыі вытворчасці.

Будынак — корпус малога артылерыйскага палігона, які размешчаны ў закансерваванай частцы паўднёвага вайсковага гарадка — Магілёўскі аблвыканкам перадаў бясплатна, але вось «ажыўленне» яго было справай вельмі дарагой і доўгай. Агульны бюджэт інвестпраекта склаў прыкладна 700 тысяч рублёў.

«На мінулым тыдні ўсё кіраўніцтва затрымалі. Не дапасаваліся яны да дзяржаўных праграм. Апошнія некалькі месяцаў іх правяралі. Былі пастаянныя перабоі з фінансамі», — кажуць суразмоўцы. «Пра іх і праблемах на заводзе ведаў увесь горад», — адзначыла крыніца. Са слоў суразмоўцаў, стаўка была зробленая на буйныя мясцовыя кампаніі: «дачку» расейскага «Тэхнанікаля», «Шклозавод Ялізава» і «Дах», якія маюць патрэбу ў плёнцы з поліэтылену высокага і нізкага ціску.

Лісічкін, Міхайлаў і дырэктар «Техсаюз Полюса» Дзмітрый Конкін — выхадцы з праваахоўных органаў, сцвярджаюць інфармаваныя крыніцы.

Чалавек з прозвішчам Лісічкін быў начальнікам аддзялення барацьбы з эканамічнымі злачынствамі Асіповіцкага РАУС. Конкін больш за 5 гадоў з'яўляўся старшым оперупаўнаважаным крымінальнага вышуку, вынікае з інфармацыі са старонкі дырэктара «Тэхсаюз Полюса» ў linkedin.

Начальнік аддзела інфармацыі і сувязі з грамадскасцю Следчага камітэта Сяргей Кабаковіч сказаў, што цяпер расследуецца крымінальная справа паводле ч 4 арт 210 Крымінальнага кодэкса ў дачыненні да трох кіраўнікоў камерцыйных структур, жыхароў Магілёўскай вобласці. Яны падазраюцца ў тым, што ў перыяд з чэрвеня 2015 года па сакавік 2016 года, злоўжываючы службовымі паўнамоцтвамі, учынілі крадзеж на суму 580,4 тысяч даляраў. Да іх выкарыстаная мера стрымання ў выглядзе ўзяцця пад варту.