Ігар Крывушэнка: Чэмпіянат Беларусі становіцца мацнейшым
7- 22.03.2017, 21:10
- 6,995
Галоўны трэнер нацыянальнай каманды Беларусі падзяліўся чаканнямі ад будучага першынства.
– Упершыню за тры гады каманда не згуляе ў еўракубках. У гэтым, аднак, можна пры жаданні знайсці і пазітыў. Так жа?
– Мы не выйшлі ў паўфінал Кубка — так быў аблегчаны вясновы адцінак сезону. Але ўсё-такі хлопцы разумеюць, што гэта быў добры шанец, які мы змарнавалі. І цяпер улетку камандзе будзе ў жыцці чагосьці не ставаць. Але вярнуць ужо нічога немагчыма. Пасля вылету з Кубка мы вінаватыя перад нашымі заўзятарамі. Усведамляем, што іх расчаравалі. Пастараемся выступам у чэмпіянаце вярнуць ім добры настрой. І дзякуй ім за падтрымку ў кожнай гульні.
– Дарэчы, якой вам бачыцца спецыфіка будучага чэмпіянату?
– У нас з'яўляюцца такія каманды, як Берасце, якія апрыёры кажуць аб жаданні здабыць медалі, Кубак. Гэта добра: чым больш моцных клубаў, тым і наш чэмпіянат мацнейшы, і барацьба за высокія месцы сур'ёзнейшая.
А яшчэ і сярэдні ўзровень камандаў узняўся. І колькасць іх, здольных хай нават у асобных матчах навязаць барацьбу лідарам, павялічылася. Бачу, што ў кожнай сустрэчы будзе даволі ўпартая гульня, а лёгкіх сустрэч не будзе, – цытуе Крывушэнку «Прессбол».