Графіці на «сцяне Шчоткінай» пратрымалася паўдня

Камунальнікі зафарбавалі выслоўе Марціна Лютэра Кінга.

Блізу 13 гадзін 24 сакавіка супрацоўніца ЖЭСа знішчыла графіці на вядомай «сцяне Шчоткінай». Фраза Марціна Лютэра Кінга «Ніколі не забывайце: усё, што рабіў Гітлер у Нямеччыне, было законным» праіснавала ўсяго паўдня, паведамляе «Еўрарадыё».

«Сцяна Шчоткінай» — бадай, самая вядомая сцяна ў Менску апошнім часам. На ёй перыядычна з'яўляюцца сацыяльныя графіці, якія старанна знішчаюць работнікі ЖЭС.

Напрыклад, менчукі ўжо пазнаёміліся з партрэтам экс-міністра працы Марыяны Шчоткінай (з подпісам «Гэта я аўтарка падатку на беспрацоўных»), надпісам «Вы самі ўсё разумееце» і партрэтам экс-прэм'ера Міхаіла Мясніковіча.