У Крыме з'явілася сімволіка Украіны
2- 25.03.2017, 18:32
- 47,486
Графіці, улёткі і сцягі Украіны з'явіліся ва ўсёй анэксаванай паўвыспе.
Над сталіцай Крыму Сімферопалем вывесілі сцяг Украіны, паведаміў у Facebook кіраўнік тэлеканала ATR Ленур Іслямаў, піша gordonua.com.
Сімферопаль ён назваў імем Ак-Мячэць, якое горад насіў да 1784 года.
Іслямаў падзяліўся фотаздымкамі з месца падзей і ўдакладніў, што яны зробленыя сёння.
Пазней ён паведаміў, што сімвалы Украіны сустракаюцца і ў іншых раёнах паўвыспы.
"Уезд у Судак! Увесь Крым у графіці, улётках і сцягах Украіны!" – напісаў Іслямаў.
На фотаздымках, якія ён выклаў у сацсетку, бачныя надпісы на ўкраінскай мове: "Мы блізка".
Расея акупавала Крым і Севастопаль пасля незаконнага рэферэндуму 16 сакавіка 2014 года. Далучэнне паўвыспы да РФ не прызнаецца Украінай і большасцю краін свету.