Салідарнасць у Пінску
23- 27.03.2017, 20:50
- 17,096
Пінчукоў моцна абурылі затрыманні на Дзень Волі ў Менску.
26 сакавіка на цэнтральную плошчу ў Пінску выйшла некалькі дзясяткаў чалавек, паведамляе «Белсат». Людзей моцна абурылі затрыманні на Дзень Волі ў Менску. Кіраўнік мясцовай міліцыі папярэдзіў удзельнікаў акцыі салідарнасці з затрыманымі аб тым, што яны не маюць права знаходзіцца на плошчы.
Але жыхароў Пінска гэта не напалохала і неўзабаве з'явіўся АМАП — у аўтазаку былі 3 чалавекі.
«Фашысты! Фашысцюгі!», – крычалі ўслед амапаўцам жанчыны.
Пасля таго, як АМАП затрымаў сябра Партыі БНФ Алеся Рамановіча, грамадскіх актывістаў Ігара Салаўя і Дзмітрыя Тарасюка, людзі запатрабавалі іх вызваліць або затрымаць усіх.
Удзельнікі акцыі паабяцалі начальніку Пінскага ГАУС, што тады не разыдуцца і будуць начаваць на плошчы. Пасля гэтага, праваахоўнікі выпусцілі Алеся Рамановіча ды Ігара Салаўя, а Дзмітрыя Тарасюка пакінулі ў аўтазаку, бо ў яго не было пры сабе аніякіх дакументаў.