Лябедзька заклікаў Еўропу не даваць Лукашэнку крэдытаў

Беларускага палітыка падтрымалі кансерватары з літоўскага Сейма.

Адразу пасля вызвалення са зняволення, якім лідара Аб'яднанай грамадзянскай партыі Анатоля Лябедзьку пакаралі 10 сакавіка за «арганізацыю несанкцыянаванага мітынгу», палітык адправіўся ў Вільню, дзе сустрэўся з літоўскімі парламентарыямі, паведамляе «Белсат».

На прэс-канферэнцыі ў літоўскім Сейме Лябедзька заявіў, што будзе ўплываць на пастанову Еўропы аб крэдытаванні Беларусі.

«Салідарнасць - гэта тое, што павінна быць. Павінен быць адпраўлены выразны сігнал уладам Беларусі, што няма ніякіх перспектыў супрацоўніцтва з гэтай уладай, пакуль людзі знаходзяцца ў турмах. Мы адправімся на Еўрапейскі кангрэс народных партый - гэта асноўныя партыі ў Еўропе, у якіх маюцца рычагі ўздзеяння, - ад іх шмат у чым залежыць, ці атрымае Лукашэнка крэдыты або не», - заявіў Лябедзька.

Экс-міністр замежных спраў, прадстаўнік фракцыі «Саюз Айчыны-Хрысціянскія дэмакраты Літвы» Аўдронюс Ажубаліс заявіў, што ён будзе ставіць пытанне пра аднаўленне прымянення санкцый у дачыненні да Беларусі.

«Тыя санкцыі, якія цяпер скасаваныя, дазваляюць гэтаму рэжыму атрымліваць фінансавыя патокі з Сусветнага банка, Еўрапейскага банка рэканструкцыі і развіцця», - заявіў Ажубаліс - Мы прапануем і будзем заклікаць да аднаўлення гэтых санкцый у дачыненні да Беларусі, таму што калі Крэмль цяпер не мае дастаткова сродкаў для фінансавання свайго хаўрусніка, то чаму мы павінны гэта рабіць?».