Беларускія тэнісісты прабіліся ў асноўную сетку на турнірах у Францыі

На жаночым турніры ў Круасі-Бабуры Вера Лапко падолела ў заключным коле кваліфікацыі латвійскую тэнісістку.

Беларускія тэнісісты паспяхова пераадолелі кваліфікацыйныя бар'еры на двух турнірах у Францыі, паведамляе БелТА.

На жаночым турніры ў Круасі-Бабуры (прызавы фонд - $60 тыс.) беларуска Вера Лапко, якая займае 270-е месца ў сусветным рэйтынгу, падолела ў заключным коле кваліфікацыі латвійскую тэнісістку Дыяну Марцінкевіч (295-ы нумар рэйтынгу WTA) - 6:3, 6:3.

Сёння ў першым коле асноўнай сеткі Вера Лапко сустрэнецца з украінкай Кацярынай Казловай (113). На мужчынскім турніры ў Сен-Брые (прызавы фонд - 43 тыс. еўраў) Ягор Герасімаў, у якога 404-я пазіцыя ў рэйтынгу АТР, у паядынку за выхад у асноўную частку спаборніцтваў перамог датчаніна Фрэдэрыка Нільсэна (466) - 6:7 (4:7), 6:2, 6:0.

Першым спаборнікам Ягора Герасімава ў асноўнай сетцы будзе аўстрыйскі тэнісіст Геральд Мельцэр (109). Іх сустрэча стане своеасаблівым пралогам перад маючым адбыцца матчам нацыянальных каманд Беларусі і Аўстрыі ў другім раўндзе I групы Еўра-Афрыканскай зоны Кубка Дэвіса. Гэтая гульня пройдзе 7-9 красавіка на корце менскага Палаца тэніса.