Кіраўнік МЗС ФРГ сацыял-дэмакрат Габрыэль катэгарычна асудзіў дзеянні беларускіх уладаў

Міністр замежных спраў Нямеччыны Зігмар Габрыэль заявіў, што людзі, якія выйшлі на вуліцы ў Дзень Волі «рэалізавалі права на свабоду меркаванняў».

Сілавое супрацьстаянне гэтаму і затрыманні, у тым ліку журналістаў, Зігмар Габрыэль назваў неадэкватнай рэакцыяй, піша tut.by.

Кіраўнік МЗС ФРГ выказаўся за больш хуткае вызваленне ўсіх арыштаваных.

«Не павінна быць ніякіх неабгрунтаваных арыштаў і пастаноў судоў толькі за тое, што людзі кажуць, што думаюць, — заявіў Зігмар Габрыэль. — Адкрытае грамадства павінна быць талерантнае да розных меркаванняў і не можа супрацьстаяць абмеркаванню крытычных пытанняў. Адказныя органы павінны не толькі паважаць права на мірныя дэманстрацыі і свабоду меркаванняў, але і гарантаваць тое, каб людзі маглі ім скарыстацца».