Мінадукацыі зацвердзіла тэрміны прыёмнай кампаніі ў ВНУ ў 2017 годзе

Прыём дакументаў на бюджэтныя і платныя месцы ў большасці дзяржаўных ВНУ будзе праводзіцца з 12 па 17 ліпеня.

Пастановай Міністэрства адукацыі Рэспублікі Беларусь ад 9 сакавіка 2017 года №17 устаноўлены тэрміны прыёму дакументаў, правядзення ўступных іспытаў для атрымання вышэйшай адукацыі за кошт сродкаў бюджэту і на платнай аснове, а таксама тэрміны залічэння абітурыентаў у 2017 годзе, піша tut.by.

Тэрміны прыёму дакументаў

З 12 да 17 ліпеня — ад асоб, якія паступаюць ва ўстановы вышэйшай адукацыі (УВА) для атрымання вышэйшай адукацыі за кошт бюджэтных сродкаў і на платнай аснове;

з 15 лістапада да 5 снежня — ад асоб, якія паступаюць на завочную форму атрымання адукацыі ў УВА сельскагаспадарчага профілю.

Ад асоб, якія выказалі жаданне паступіць у УВА для атрымання вышэйшай адукацыі на платнай аснове, не здаюць уступныя іспыты ва УВА, дакументы будуць прымацца:

з 12 да 31 ліпеня — у Акадэміі МУС, Магілёўскім інстытуце МУС, Універсітэце грамадзянскай абароны МНС;

з 12 ліпеня да 2 жніўня — у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;

з 12 ліпеня да 4 жніўня — у іншых ВНУ.

Выпускнікі профільных класаў педагагічнай накіраванасці, якія паступаюць на педагагічныя спецыяльнасці, могуць падаць дакументы з 12 да 14 ліпеня.

Даты ўступных экзаменаў

Уступныя экзамены пройдуць у наступныя тэрміны:

з 18 да 21 ліпеня — у Акадэміі МУС, Магілёўскім інстытуце МУС, Універсітэце грамадзянскай абароны МНС;

з 18 да 26 ліпеня — у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;

з 18 да 24 ліпеня — у іншых ВНУ;

у ВНУ сельскагаспадарчага профілю — з 18 да 25 ліпеня (надзённая форма) і з 6 да 15 снежня (завочная форма).

Пастановай таксама вызначаны тэрміны залічэння абітурыентаў і дадатковага набору ў дзяржаўныя ВНУ на месцы, якія вызначаны кантрольнымі лічбамі прыёму, якія засталіся вакантнымі пасля залічэння абітурыентаў.

Акрамя таго, устаноўлены тэрміны ўступнай кампаніі для замежных грамадзян і асоб без грамадзянства, а таксама для грамадзян Украіны і асоб без грамадзянства, якія пражывалі (як правіла, не менш за год) на тэрыторыі Данецкай і Луганскай абласцей Украіны і прыбылі ў Беларусь для атрымання дазволаў на часовае або пастаяннае пражыванне.

Пастанова ўваходзіць у дзеянне пасля яе афіцыйнага апублікавання.