На Століншчыне звольнілі міліцыянта, які збіў 9-гадовага хлопчыка

Жонка «вартавога парадку» прайграла ў судзе.

Суд Столінскага раёна адмовіў жыхарцы пасёлка Рэчыца Столінскага раёна Ірыне Прылуцкай у пазове аб кампенсацыі маральнай шкоды на тысячу дэнамінаваных рублёў, выстаўленых Святлане Палхоўскай, маці збітага міліцыянерам 9-гадовага хлопчыка, паведамляе «Беларуская праўда».

Гісторыя пачалася больш за паўгода таму.

12 ліпеня 2016 гады 9-гадовага Улада Палхоўскага ў працоўным пасёлку Рэчыца збіў старшы інспектар аховы правапарадку і прафілактыкі Столінскага РАУС Вадзім Прылуцкі, пасля чаго хлапчук амаль месяц прабыў у лячэбным стацыянары. Аднак пасля звароту бацькоў пацярпелага ў РАУС міліцыянт абвінаваціў хлопчыка ў збіванні свайго сына.

Інспекцыя ў справах непаўналетніх Столінскага РАУС падтрымала калегу і ўгледзела ў дзеяннях Улада Палхоўскага прыкметы складу злачынства арт. 153 КК - паставіла на прафілактычны ўлік у РАУС як правапарушальніка: з пачатку навучальнага года хлапчанё не мела ні вакацый, ні выхадных, а праходзіла прафілактычнае перавыхаванне.

Больш за тое, жонка міліцыянта Ірына Прылуцкая пісала заяву ў Столінскі РАУС з просьбай распачаць крымінальную справу супраць маці Улада Святланы Палхоўскай за паклёп, які ўгледзела ў артыкуле «У Століне збітаму міліцыянерам 9-гадоваму школьніку стала дрэнна пасля допыту», аднак ёй было адмоўлена.

Затым Ірына Прылуцкая падала пазоў да Святланы Палхоўскай аб кампенсацыі маральнай шкоды ў тысячу дэнамінаваных рублёў.

21 лютага 2017 году старшыня Столінскага суда адмовіў пазоўніцы ў задавальненні яе патрабаванняў. У адпаведнасці з Грамадзянскім кодэксам РБ выплата судовых выдаткаў ускладзеная на бок, які прайграў - гэта значыць, жонка міліцыянта Ірына Прылуцкая абавязана кампенсаваць Святлане Палхоўскай больш за 2000 дэнамінаваных беларускiх рублёў плюс маральную шкоду.

27 лютага ІСН Столінскага РАУС прыняў пастанову аб адсутнасці складу злачынства ў дзеяннях Улада Палхоўскага.

«У дзеяннях малалетняга Палхоўскага У.А. адсутнічае склад злачынства, прадугледжанага арт.153 КК Рэспублікі Беларусь...2017/02/25 на падставе п.2 ч.1 арт.29 КПК і арт.178 КПК Рэспублікі Беларусь вынесеная пастанова аб адмове ў распачынанні крымінальнай справы», - паведамляе начальнік аддзела ўнутраных спраў Столінскага раёна В.Філіпчык.

Хоць яшчэ 31 студзеня 2017 года старшы ўчастковы інспектар ІСН Столінскага РАУС Э.Собаль наважыў паставіць Улада Палхоўскага на ўлік у ІСН «за здзяйсненне дзеі, якая змяшчае прыкметы адміністрацыйнага правапарушэння».

А ўправа СК Берасцейскай вобласці больш за шэсць месяцаў (да 5 сакавіка) праводзіць праверку аб прычыненні непаўналетняму Уладу Палхоўскаму цялесных пашкоджанняў.

- «Неабходна акцэнтаваць увагу на тым, што раней была вынесеная пастанова ІСН Столінскага РАУС аб наяўнасці ў дзеяннях Улада Палхоўскага прыкмет складу злачынства, а ў выніку выявілася, што яго няма», - адзначае актывістка «Нашага Дома» з Маладзечна Алеся Садоўская, якая суправаджала судовы працэс. - Зыходзячы з гэтага да прадстаўнікоў РАУС, пракурора і следчых органам паўстала сур'ёзнае пытанне аб парушэнні правоў малалетняга Улада Палхоўскага з боку ІСН Столінскага РАУС».

Старшы інспектар аховы правапарадку і прафілактыкі Столінскага РАУС Вадзім Прылуцкі, які займаўся рукапрыкладствам, звольнены паводле артыкула.