Грандыёзны канцэрт Brutto ў Менску

На «Менск-Арэне» з аншлагам прайшоў канцэрт гурту Сяргея Міхалка.

15-тысячная «Менск-Арэна» была запоўненая практычна цалкам. На канцэрт людзі прыйшлі з бел-чырвона-белымі сцягамі. Тысячы людзей скандавалі «Жыве Беларусь!».

Блізу двух дзясяткаў бел-чырвона-белых сцягоў разгарнулі беларусы падчас выканання песні «Родны край».

Падчас песні «Гарри» з'явіліся ўкраінскія сцягі, а слухачы сталі на калені.

Вtutto выканалі вядомы хіт «Воины Света». Як вядома, ва Украіне гэтую песню ўважаюць адным з «гімнаў» рэвалюцыі. Яна стала надзвычай папулярнай, калі на яе наклалі відэашэраг з кадраў падзей на Майдане.

На «Менск-Арэне» загучала песня «Не быць скотам» на словы Янкі Купалы. Беларусы запалілі фаеры.

«Радыё Свабода» падрыхтавала невялікі фотарэпартаж з канцэрту.

Фотарэпартаж onliner.by.