Пад Мінскам хлопец дзеля забавы разбіў 14 аўтамабіляў
12- 19.04.2017, 18:08
- 15,965
Інцыдэнт адбыўся ў аграгарадку Сеніца.
Уночы 15 красавіка хлопец пашкодзіў у аграгарадку Сеніца 14 прыпаркаваных аўтамабіляў. Пра гэта паведамілі ва УУС Менскага аблвыканкама.
У міліцыю з заявай звярнуліся 14 чалавек, якія раніцай выявілі, што іх аўтамабілі пашкоджаныя. Праваахоўнікі аператыўна знайшлі падазраванага ва ўчыненні злачынства - ім выявіўся 22-гадовы мясцовы жыхар.
- Напярэдадні падазраваны выпіў спіртное. Пасля выпітага яму захацелася пазабавіцца. На найбліжэйшай стаянцы хлопец пачаў біць шыбы і люстэркі ў аўтамабілях, скакаць на капотах і дахах транспартных сродкаў. Супакоіўся толькі пасля таго, як разбіў 14 аўто, - распавёў начальнік крымінальнага вышуку Мачулішчанскага аддзела міліцыі Георгій Муха.
Хлопец затрыманы. У дачыненні да яго распачата крымінальная справа паводле ч 1 арт 339 КК Беларусі (Хуліганства). Санкцыя гэтага артыкула прадугледжвае пакаранне аж да 3 гадоў пазбаўлення волі.