Стала вядома, як будуць працаваць пункты спрошчанага пропуску на Радаўніцу
- 21.04.2017, 15:58
- 18,315
Праз іх змогуць перасячы мяжу толькі тыя грамадзяне, якія стала пражываюць на памежнай тэрыторыі.
У дзень памінання памерлых (Радаўніца) пункты спрошчанага пропуску на мяжы з Літвой, Латвіяй і Украінай будуць працаваць згодна з адмысловым графікам. Падрабязнасці паведамляе tut.by са спасылкай на Дзяржпамежкамітэт.
У пунктах спрошчанага пропуску могуць перасякаць мяжу толькі тыя грамадзяне, якія стала пражываюць на памежнай тэрыторыі. Пры сабе можна мець рэчы для асабістага карыстання (згодна з адмысловым пералікам).
Будуць працаваць пункты пропуску на мяжы з Літвой:
- Відзы (Твярачус) - штодня кругласутачна;
- Мальдзевічы (Адуцішкіс) - з 08.00 да 20.00 па панядзелках, аўторках, серадах, чацвяргах;
- Лынтупы (Папялякіс) - з 08.00 да 20.00 па пятніцах, суботах, нядзелях;
- Парэчча (Лацежэрыс) - з 08.00 да 18.00 штодня;
- Пяцюлеўцы (Ракай) - з 11.00 да 17.00 па пятніцах, суботах і нядзелях, а таксама 25 красавiка;
- Геранёны (Кракуны) - з 11.00 да 17.00 па суботах і нядзелях, а таксама 25 красавiка;
- Доцішкі (Эйшышкес) - з 09.00 да 19.00 штодня;
- Піцкуны (Нарвілішкес) - з 12.00 да 17.00 25 красавiка вядзецца пропуск грамадзян, якія едуць пешым парадкам.
На мяжы з Латвіяй:
- Гаўрыліна (Мейкшаны) - з 09.00 да 17.00 22, 23, 24, 25, 29, 30 красавіка, 1, 6, 7, 8, 9 траўня пры наяўнасці заявак;
- Плюсы (Каплава) - з 09.00 да 19.00 22, 23, 24, 25, 29, 30 красавіка, 1, 6, 7, 8, 9 траўня.
На мяжы з Украінай:
- Дубок (Хрыпск) - з 09.00 да 18.00 у перыяды з 29 красавіка да 2 траўня, з 7 да 9 траўня;
- Вотчына (Гута) - з 09.00 да 18.00 23, 24, 25 красавіка, 1,2,7,8,9 траўня;
- Сушытніца (Тур) - з 08.00 да 20.00 штодня;
- Трушын (Вічаўка) - з 08.00 да 20.00 штодня;
- Альманы (Пераброды) - з 08.00 да 20.00 22, 23, 24, 25 красавіка, 1, 7, 8, 9 траўня;
- (па-за пунктамі пропуску) на кірунку Дзяржынск (Беларусь) - Познань (Украіна) з 09.00 да 18.00 22, 23 красавіка;
- Глушкевічы (Будкі-Каменскія) - з 08.00 да 18.00 25 красавiка;
- Запясочча (Лучанкі) - з 08.00 да 18.00 23, 25 красавіка;
- Паддабранка (Дабранка) з 07.00 да 20.00 штодня;
- Глыбоцкае (Ільмаўка) з 07.00 да 20.00 штодня;
- Андрэеўка (Дзеравіны) з 07.00 да 20.00 штодня.
Мяжу можна перасякаць пешшу, на ровары або легкавым аўтамабілі. Пры сабе трэба мець пашпарт і візу сумежнай дзяржавы (у выпадку візавага рэжыму); пасведчанне аб рэгістрацыі транспартнага сродку і страхоўку «Зялёная карта».
Дадатковую інфармацыю можна атрымаць праз тэлефон у Менску 8 (017) 216-26-12 (кругласутачна).
Як можна наведаць могілкі на тэрыторыі Палескага радыяцыйнага запаведніка
З 22 да 25 красавіка на тэрыторыі запаведніка дзейнічае асаблівы парадак. Для наведвання не патрэбен пропуск, але патрабуецца адзначыцца ў прапускных пунктах. Доступ на тэрыторыі будзе адкрыты з 08.00 да 17.00.
Грамадзянам нагадваюць, што Нараўлянскі, Хойніцкі, Брагінскі раён размешчаныя ў межах памежнай зоны. Таму на патрабаванне памежнікаў або міліцыі трэба паказаць пашпарт, а непаўналетнім - пасведчанне аб нараджэнні або пашпарт (від на жыхарства).
Замежнікам у гэтым выпадку патрэбны пашпарт і пропуск ад памежнай службы (лепш атрымаць яго загадзя, пералік дакументаў можна паглядзець тут.