Brent упершыню з сакавіка апусцілася ніжэй за $52 за барэль

Кошт нафты сышоў у мінус праз сумненні ў эфектыўнасці пакта OPEC +.

Кошт нафты знізіўся на вечаровым таргах пятніцы праз сумненні ў эфектыўнасці пакта OPEC+, піша Reuters.

Да 18.17 менскага часу ф'ючэрсы на нафту гатунку Brent апусціліся на 2,08% адсотка да $51,89 за барэль.

Кошт паўночнаморскай сумесі можа зменшыцца за гэты тыдзень на 5,15 адсотка, на амерыканскі гатунак - на 4,8 адсотка, што, у сваю чаргу, можа стаць самым значным зніжэннем з 10 сакавіка.

Стрымальным чыннікам выступаюць сумневы ў эфектыўнасці глабальнага нафтавага пакта.

Нафтаэкспартны картэль OPEC і адзінаццаць дзяржаў, якія не ўваходзяць у клуб, уключаючы Расею, у снежні 2016 года дамовіліся знізіць вытворчасць сыравіны цягам першага паўгоддзя сумарна на 1,8 мільёна барэляў за дзень.

Каб прадухіліць далейшы рост паставак Саўдаўская Арабія і Кувейт, якія ўваходзяць у нафтакартэль, схіляюць іншых чальцоў групы і вытворцаў, якія не ўваходзяць у яго да падаўжэння глабальнага пакта на другое паўгоддзе 2017 года.

Паводле прагнозу Б’ярне Скілдропа з SEB, OPEC не будзе падаўжаць тэрмін дзеяння пакта праз пагрозы далейшага росту здабычы сланцаў у ЗША.

Паводле звестак Управы энэргетычнай інфармацыі (EIA), здабыча нафты ў ЗША павялічылася амаль на 10 адсоткаў з сярэдзіны 2016 года да 9,25 мільёна барэляў за дзень, дзякуючы чаму яны сталі трэцім велічынёй вытворцам сыравіны пасля Расеі і Саудаўскай Арабіі.