Франсуа Аланд: Макрон сёння абараняе французскую ідэю

Дзейны прэзідэнт Францыі назваў Ле Пэн «пагрозай для краіны».

Дзейны прэзідэнт Францыі Франсуа Аланд падчас выступу на тэлевізіі заявіў, што будзе галасаваць у будучым другім туры прэзідэнцкіх выбараў за цэнтрыста Эмануэля Макрона, і назваў ягоную канкурэнтку - лідарку правага «Нацыянальнага фронту» Марын Ле Пэн - пагрозай для Францыі, паведамляе ВВС.

«Эмануэль Макрон сёння - той, хто абароніць каштоўнасці, якія аб'яднаюць людзей Францыі ў такі сур'ёзны момант, сур'ёзны для Францыі, Еўропы, і свету. [...] На коне наша французская ідэя, наша адзінства, наша партнёрства з Еўропай і наша месца ў свеце», - сказаў Аланд.

«Што тычыцца мяне, я буду галасаваць за Эмануэля Макрона», - дадаў ён.

Эмануэль Макрон і Марын ле Пэн прайшлі ў другі тур прэзідэнцкіх выбараў паводле вынікаў праведзенага ў нядзелю першага тура. У першым туры кандыдаты ідуць з невялікім адрывам - у Макрона 23,75% галасоў, у Марын Ле Пэн - 21,53%. Другі тур прэзідэнцкіх выбараў у Францыі пройдзе 7 траўня.

Упершыню ў гісторыі Пятай рэспублікі (з 1958 года) у другі тур не прайшлі ні кандыдат ад сацыялістаў, ні кандыдат ад правацэнтрыстаў.

Кандыдат ад партыі «Рэспубліканцы», экс-прэм'ер Франсуа Фіён набраў 19,91% галасоў, а лідар руху «Нескароная Францыя» Жан-Люк Мэланшон - 19,64%.

Кандыдаты, якія выйшлі ў другі тур, маюць роўна супрацьлеглыя пункты гледжання: Эмануэль Макрон выступае за свабодны міжнародны гандаль і за Еўрапейскі Звяз. Марын Ле Пэн выступае супраць глабалізацыі і хоча правесці ў Францыі рэферэндум у пытанні аб выхадзе з ЕЗ накшталт «брэксіта».

Макрон - былы банкір і экс-міністр эканомікі Францыі пры прэзідэнце Аландзе. Для яго гэта першая выбарчая кампанія, і ў выпадку перамогі ў другім туры Макрон стане самым маладым прэзідэнтам Францыі.

Раней пра сваю падтрымку Макрону заявілі прадстаўнікі асноўных палітычных партый. Макрона падтрымалі і кандыдаты, якія саступілі. Франсуа Фіён, які набраў 19,91% галасоў, у эфіры французскай тэлевізіі прызнаў паразу і заклікаў сваіх прыхільнікаў галасаваць за Макрона ў другім туры.

Падтрымаў цэнтрыста Макрона і кандыдат ад сацыялістаў Бенуа Амон, які таксама саступіў у першым туры.