Як Ветка чатыры месяцы рыхтавалася да візіту Лукашэнкі
12- 26.04.2017, 9:22
- 11,790
Разгорнутая ўдарнымі тэмпамі паказуха не развязала вострых сацыяльных праблем жыхароў райцэнтра.
26-га красавіка, у гадавіну Чарнобыльскай катастрофы кіраўнікі Беларусі і Украіны наведаюць атамную станцыю, пасля чаго ўжо на тэрыторыі нашай краіны правядуць перамовы.
У той жа дзень Лукашэнку чакаюць і ў Ветцы — горадзе на Гомельшчыне, які пацярпеў ад радыяцыі. Да прыезду госця, які будзе знаходзіцца там некалькі гадзін, горад рыхтаваўся 4 месяцы, паведамляе «Белсат».
Там, дзе павінна «ступіць нага» дыктатара, у аўральным парадку «з'яўляюцца» дарогі, тратуары, платы, а дамы набываюць новае аблічча.
Аднак жыхары Веткі могуць толькі памарыць пра такі заробак, які паабяцалі рабочым, занятым на добраўпарадкаванні горада — як, зрэшты, і наогул аб працы:
«З працай цяжка. Шмат закрытых прадпрыемстваў, шмат беспрацоўных, шмат людзей і маладых людзей з адукацыяй, а працы няма».
«Пазакрывалі ўсё, няма наогул працы. Беспрацоўе».
Жыві ў забруджаным, харчуйся радыеактыўным
Для таго, каб заахвоціць людзей жыць і працаваць у забруджаных рэгіёнах, кіраўнік дзяржавы штогод у гадавіну Чарнобыльскай аварыі едзе ў паселішчы, якія моцна пацярпелі падчас катастрофы.
Пра Ветку ўлады ўспомнілі толькі на 31-ы год пасля чарнобыльскай катастрофы. Але ці такой увагі да сваіх праблем так доўга чакалі жыхары Веткі — аднаго з найбольш пацярпелых ад радыяцыі райцэнтраў?