СМІ: ВПС Ізраіля нанеслі ўдар у ваколіцах аэрапорта ў Дамаску
8- 27.04.2017, 10:25
- 15,426
У выніку налёту пачаўся моцны пажар.
Ізраільскія ВПС атакавалі адзін з аб'ектаў у раёне міжнароднага аэрапорта ў Дамаску. Як паведаміў тэлеканал Al Ayam, у выніку налёту ў ваколіцах паветранай гавані пачаўся моцны пажар, піша tut.by.
Паводле папярэдняй інфармацыі, пад ударам патрапіла размешчаная там вайсковая база. Навінавы партал «Сурыя аль-Эн» адзначае, што гук магутных выбухаў быў чуваць на ўсходняй ускраіне Дамаска.
З боку сірыйскага камандавання ніякіх заяваў пакуль не было.
Відэа выбухаў, якія, як апісваецца, адбыліся ля аэрапорта Дамаска, з'явілася на твітэр-старонцы IsraelBreaking.
Video shows moments explosions start near Damascus airport tonight. Local media attributing to Israel. More details likely to emerge later. pic.twitter.com/jhiOZjUHnV
— Israel Breaking (@IsraelBreaking) 27 апреля 2017 г.
13 студзеня ізраільскія самалёты выпусцілі ракеты па вайсковым аэрадроме Меза на паўднёвым захадзе Дамаска. Яны не ўваходзілі ў паветраную прастору Сірыі, удар быў нанесены з боку Тыверыядскага возера.
22 лютага ізраільскія ВПС нанеслі ракетныя ўдары па горнай градзе Калямун побач з горадам Эль-Каціф на поўнач ад Дамаска. Яны атакавалі размешчаны там лагер шыіцкіх байцоў з партыі «Хезбала», якія ваююць на баку сірыйскага войска. Пры гэтым ізраільскія самалёты знаходзіліся ў небе над тэрыторыяй суседняга Лібана.