Дапамогу на дзяцей да трох гадоў, не будуць павышаць

Гэта звязана з тым, што сярэдні заробак за першы квартал абрынуўся.

З 1 траўня ў Беларусі не будуць павышаць дапамогі на дзяцей да трох гадоў, паведамілі tut.by у Мінпрацы. Гэта звязана з тым, што сярэдні заробак за першы квартал абрынуўся ў дачыненні да кастрычніка-снежня мінулага года.

Суму дапамогі пераглядаюць раз у квартал, і яе рост залежыць ад таго, як змяніўся сярэдні заробак у краіне за папярэдні квартал. Калі сярэдні заробак падае, то сума дапамогі застаецца на ранейшым узроўні.

Нагадаем, цяпер сума штомесячнай дапамогі па догляду за дзіцем ва ўзросце да трох гадоў складае на першага дзіцяці 261,38 рубля, на другое і наступных дзяцей — 298,72 рубля, на дзіця-інваліда ва ўзросце да трох гадоў — 336,06 рубля.

З 1 траўня павінна змяніцца сума аднаразовай выплаты ў сувязі з нараджэннем дзіцяці. Яна залежыць ад бюджэту пражытачнага мінімуму, але дакладную лічбу на маючы адбыцца квартал урад яшчэ не агучыў.

Нагадаем, у канцы мінулага года ў парламенце разглядалі змены ў закон аб дзіцячых дапамогах. Адна з навацый, якую прапаноўвалі чыноўнікі, — пераглядаць суму выплат дэкрэтніцам раз у год, а не на кожны квартал. Аднак, калі дакумент дайшоў да Авальнай залы, «дэпутаты» за яго хоць і прагаласавалі, але запатрабавалі дапрацаваць да другога чытання.