У продаж трапілі новыя квіткі на Эўравізію – 2017

Сёння ў продаж трапілі новыя квіткі на ўсе дзевяць шоу Эўравізіі – 2017.

Пра гэта паведамляецца на афіцыйнай старонцы конкурсу ў Facebook.

Квіткі з'явіліся пасля 14-й на афіцыйным агенце Concert.ua.

Даступныя квіткі ў фан-зону і Golden Circle – найбліжэйшыя да сцэны месцы – на папярэднія шоу двух паўфіналаў і самі паўфіналы.

Усяго прададзена 33 тысячы квіткоў.

На ўсе мерапрыемствы Эўравізіі – 2017 у Кіеў прыедуць больш за 20 тысячаў замежных гасцей.

У лютым, калі пачаўся продаж квіткоў, менш чым за тыдзень атрымалася прадаць блізу 15% ад агульнай колькасці месцаў. Квіткі на фінал набылі перакупшчыкі і прадавалі іх у некалькі разоў даражэй.