Домрачава стала трэцяй у гонцы на сабачых запрэжках у Шушэне
5- 30.04.2017, 16:25
- 23,207
Яе муж Оле-Эйнар Б'ёрндален перамог у гонцы.
Васьміразовы алімпійскі чэмпіён Оле-Эйнар Б'ёрндален атрымаў перамогу ў спрынтэрскай гонцы на сабачых запрэжках на турніры ў нарвежскім Шушэне, паведамляе «Прессбол».
Б’ёрндален на 2,9 секунды апярэдзіў сваю жонку, беларуску Дар'ю Домрачаву, якая паказала трэці вынік.
«Выдатны вынік тыдня тэставання лыж з гонкай на сабачых запрэжках! Неімаверныя, незабыўныя адчуванні. Бязмежная адданасць сабак і сапраўдны азарт да гонак у іх вачах. Кайса Мякярайнен абавязкова павінна гэта паспрабаваць!» - напісала Домрачава ў Instagram.