Хакеры атакавалі РФ, Украіну і яшчэ больш як 10 краін
8- 12.05.2017, 21:40
- 11,575
Розныя ўстановы ў цэлым шэрагу краін падпалі пад магутную хакерскую атаку з патрабаваннем выкупу.
Розныя ўстановы ў цэлым шэрагу краін у пятніцу, 12 траўня, падпалі пад магутную хакерскую атаку з патрабаваннем выкупу. Найбольшая колькасць пагроз была выяўленая ў Расеі, на другім месцы - Тайвань, далей - Гішпанія, Украіна і яшчэ 10 краін, паведамляе ў Twitter даследчая кампанія MalwareHunterTeam, перадае «Нямецкая хваля».
The most affected country until now: Russia.
— MalwareHunterTeam (@malwrhunterteam) 12 мая 2017 г.
Spain is just the third...
cc @BleepinComputer @demonslay335 @Seifreed @bartblaze @GossiTheDog pic.twitter.com/qHpHWmuNin
У кампутарныя сістэмы была ўкаранёная шкодная праграма WannaCry, што вымагала грошы за разблакаванне. У Еўропе былі атакаваныя дзясяткі арганізацый. Экспэрт у кібэрбяспецы Кевін Бамонт заявіў у інтэрв'ю брытанскай мэдыякампаніі ВПС, што маштабамі атака носіць беспрэцэдэнтны характар.
У Вялікабрытаніі сапсаваліся кампутарныя сістэмы ў шмат якіх шпіталях. У Лондане, Нотынгеме, Бэрбі ды іншых гарадах Англіі і Шатландыі некаторыя медыцынскія ўстановы параілі пацыентам часова не звяртацца па дапамогу за выняткам экстранных выпадкаў. Сярод медыцынскіх цэнтраў, працу якіх ускладнілі хібы - два найбольшыя шпіталі Лондана - Royal London Hospital і St.Bartholomew's.