Тылерсан: Умяшанне РФ у выбары ЗША «добра задакументаванае»
7- 14.05.2017, 20:31
- 9,920
У ЗША вядзецца расследаванне дзеянняў расейскіх хакераў.
Дзяржсакратар ЗША Рэкс Тылерсан у інтэрв'ю тэлеканалу NBC заявіў, што ўмяшанне Расеі ў выбары прэзідэнта ЗША ў мінулым годзе «добра задакументаванае», паведамляе «Радыё Свабода».
Паводле інфармацыі дзяржсакратара, умяшанне не было даведзенае да канца. Кіраўнік Дзярждэпартамента адзначыў, што стасункі з Расеяй трэба вярнуць на ўзровень, які адпавядае амерыканскім нацыянальным інтарэсам.
У ЗША вядзецца расследаванне дзеянняў расейскіх хакераў. Следчыя мяркуюць, што хакеры маглі паўплываць на зыход прэзідэнцкіх выбараў на карысць рэспубліканца Дональда Трампа праз кібератакі супраць Дэмакратычнай партыі і яе кандыдата Гілары Клінтан.
Крэмль адмаўляе ўсе абвінавачванні ва ўмяшанні ў палітычныя працэсы ў ЗША.