У Мексіцы натоўп ледзь не лінчаваў расейца
19- 20.05.2017, 12:52
- 16,741
Расеец здымаў абразлівыя ў дачыненні да мясцовых жыхароў відэа.
У Мексіцы натоўп ледзь не лінчаваў расейца. Ён шпіталізаваны, піша РИА Новости.
Раней консул Расеі ў Мехіка Дзмітрый Болбат паведаміў агенцтву, што мужчына, якога завуць Аляксей Макееў, магчыма, быў цяжка паранены, калі мексіканцы ўзялі ў атачэнне ягоны дом у Канкуне.
Макееў атрымаў вядомасць у Мексіцы дзякуючы сваім абразлівым у дачыненні да мясцовых жыхароў відэа. Падчас інцыдэнту расеец параніў аднаго з мексіканцаў, які пасля памёр.
Паведамляецца, што на некаторы час натоўп ачапіў дом Макеева, але не нападаў. Аднак пасля навіны пра раненне мексіканца людзі ўламіліся ў дом расейца, а сам ён выбег на дах.
Паводле словаў консула, пра Аляксея Макеева ў Расеі здымалі перадачу «Чыстасардэчнае прызнанне», у якой сцвярджалася, што ён псіхічна нездаровы.