Актывіста «Задзіночання беларускіх студэнтаў» не выпусцілі за мяжу

Яўгена Міхасюка знялі з цягніка па дарозе ў Вільню.

Грамадскага актывіста Яўгена Міхасюка высадзілі з цягніка ў Вільню і забаранілі выезд за мяжу. Інцыдэнт адбыўся ў пункце пропуску «Гудагай». Прычыну такой пастановы актывісту не растлумачылі, паведамляе «Свабода».

Яўген Міхасюк мяркуе, што забарону на выезд ініцыяваў ваенкамат, хоць у актывіста ёсць позва толькі на канец ліпеня.

«Я хацеў падысці да сяброў, каб папярэдзіць (што забаранілі выезд - заўв.), але мне не дазволілі і сказалі, што я арыштаваны, - паведаміў Яўген Міхасюк. - Дзіўна, што два тыдні таму я быў ва Украіне і не было праблем».