Асабістая размова Парашэнкі і Мэркель доўжылася блізу гадзіны
- 20.05.2017, 20:58
- 10,595
Віцэ-старшыня Вярхоўнай Рады Украіны паведаміла дэталі сустрэчы Пятра Парашэнкі і канцлеркі Нямеччыны.
Гутарка прэзідэнта Украіны Пятра Парашэнкі і канцлеркі Нямеччыны Ангелы Мэркель доўжылася блізу гадзіны. Пра гэта напісала на сваёй старонцы ў Facebook упаўнаважаная прэзідэнта Украіны ў мірным урэгуляванні канфлікту ў Данецкай і Луганскай абласцях Ірына Герашчанка, паведамляе liga.net.
"У часе сустрэчы ў павялічаным коле ключавой тэмай былі палітыка бяспекі і гуманітарная сітуацыя на Данбасе. Нямецкая старана добра дасведчаная аб усіх парушэннях рэжыму цішыні, невыканання менскіх пагадненняў", - адзначыла Герашчанка. Яна паведаміла, што стораны надалі асаблівую ўвагу дзейнасці СММ АБСЕ, якая мае быць дапушчана на ўсю акупаваную тэрыторыю.
Са слоў Герашчанкі, Ангела Мэркель сама ўзняла гуманітарнае пытанне як прыярытэтнае.
На сустрэчы таксама ішла размова аб дзейнасці нефармальнай "менскай платформы", створанай у парламенце, а таксама аб працэсе верыфікацыі. "На нашу думку, гэта павінна разблакаваць працэс вызвалення закладнікаў і паскорыць вызначэнне даты і канчатковых спісаў", - сказала на заканчэнне Герашчанка.