Стала вядома, калі Макрон прыме Пуціна
9- 22.05.2017, 16:59
- 19,424
Паездка раней не планавалася ніводным з палітыкаў.
Прэзідэнт Францыі Эмануэль Макрон у наступны панядзелак, 29 траўня, прыме расейскага лідара Уладзіміра Пуціна. Пра гэта паведамілі ў Елісейскім палацы, піша interfax.ru.
Адзначаецца, што сустрэча запланаваная ў Версальскім палацы.
Паводле звестак французскіх СМІ, у Версалі адкрыецца выстава, якая будзе прысвечаная гісторыі візіту Пятра I у Францыю в 1717 годзе. Гэтая выстава арганізаваная пры супрацоўніцтве з пецярбуржскім Эрмітажам.
Раней «Коммерсант» паведаміў са спасылкай на крыніцы ў Парыжы і Маскве, што Уладзімір Пуцін 29 траўня зробіць незапланаваны візіт у Францыю, які дазволіць яму асабіста пазнаёміцца з новым прэзідэнтам Францыі Эмануэлем Макронам. Нагодай для візіту стане адкрыццё ў Версалі выставы, прысвечанай Пятру I, але, паводле звестак крыніц выдання, візіт гэтым не абмяжуецца і «будзе насычаным».
Выстава ў Версалі прымеркаваная да 300-годдзя візіту ў Францыю расейскага цара і ўстанаўлення паміж дзвюма краінамі дыпламатычных стасункаў - яна пройдзе ў палацы Вялікі Трыанон і прадоўжыцца да канца верасня.