«Ісламская дзяржава» ўзяла на сябе адказнасць за тэракт у Манчэстэры
2- 23.05.2017, 10:15
- 28,107
Выбуховае прыстасаванне прывёў у дзеянне смяротнік-адзіночка.
Тэрарыстычная групоўка «Ісламская дзяржава» ўзяла на сябе адказнасць за тэракт на канцэрце ў брытанскім Манчэстэры, у выніку якога загінулі 22 чалавекі.
Адпаведнае відэа тэрарыстаў было размешчана ў сацыяльных сетках, паведамляе ТАСС са спасылкай на іракскі інтэрнэт-партал «Ахбар Ірак».
Брытанская паліцыя пацвердзіла, што выбух у Манчэстэры падчас канцэрту амерыканскай спявачкі Арыяны Грандэ быў учынены тэрарыстам-смяротнікам. Ён загінуў на месцы.
У паліцыі ўпэўненыя, што смяротнік дзейнічаў у адзіночку. Хутчэй за ўсё, у яго былі саўдзельнікі, якія маглі дапамагаць з падрыхтоўкай да выбуху.
Выбух на крытым стадыёне «Манчэстэр-арэна» адбыўся прыкладна а 22:35 паводле мясцовага часу, адразу пасля завяршэння выступлення амерыканскай поп-спявачкі Арыяны Грандэ. Выбуховая прылада спрацавала за межамі канцэртнай залі ў фае.